مش هيني تكون لبناني
****************
المصير اختارك ,,, التاريخ بيتحداك
بتزرع ما بتحصد,,, كلن مرتاحين ما عداك
بتضحي ما بتلاقي ,,, بتنزف ما بيجف الدم
بتموت ... لترجع تموت من جديد بذات الهم
هيدا قدر اللبناني ومش هيني تكون لبناني
بدّا مجهود مش بس انساني
بدّا قدرة وقوة مش متوفرة بحدا تاني
بدّا فعلاً تكون من قلب قلبك لبناني
بدّا فوتي بالحيط ومرّات كتيرة بالقزاز
بدّا جرأة ومحبة وطن واعتزاز
مش هيني تكون لبناني
بس لبنان وطن ما إلو تاني
بتقللي ضحّيت سنين وتعبت شو إجاني
هيدا بلد ... هيدا قدرك لأنّك لبناني
ومش هيني ابداً يكون الواحد لبناني
يمكن لإنّو كبير ونحنا بعدنا زغار
يمكن لإنّو زغير واللي بيغارو كتار
يمكن بكل بساطة لأنّو لبنان ربّاني
مش هيني يكون الواحد عن جدارة لبناني
الايادي كتيرة بتدمر واللبناني وحدو وحدو عم بيعمّر
من لحمو ودمّو عم بيعلّي العمار
بإرادتو ومن عزمو عم يستحي الدمار
مش ناطر عجايب ولا حسن النوايا
لوحدك بجهدك دوّرت كل الزوايا
بالإسم عنّا مسؤولين وانت السائل والمسؤول
هنّي سياسة العبث ومنطق المش معقول
لانّك متل وطنك لوحدك لأنّك لبناني
ما إلك الا ربّك ما تتكل على حدا تاني
اعتزّ افتخر بجهدك اللي فوق انساني
وتذكر دايماً مش هيني الواحد يكون ... لبناني
أجمل ما قيل عن بلدي الحبيب ,,,, لبنان الغالي ,,,,
_________________
