سبني اعيش
بحاول انسى الحياة الماضية
بس بحط ايدي في جيبتي و فاضية
و امي لسه مش راضية
خلوني اعيش وين ما اروح في نقطة تفتيش
بتبهدل حتى لو معيش سلاح او حشيش
وبديش اخد من اي حد بخشيش
قبل ما امد ايدي لحد
ببني حياتي بسحب نفيش
بس في امل حوقف عاجري
ومش حيهزني الريح متل الجبل
ما بضلش وقت للهبل
عقرب الساعة بسابق للمستقبل
و مش راح اقبل
هاد الشي أقل من حقي الكامل
مش راح اجامل
راح انفجر زي اسلحة دمار الشامل
فازا بدك تغامر كون عارف
مش حهدى و انت مرتاح متل المجنون صارف
بقولولي انساك وساكتين
مش عارفين يعبرو عن حالهم بالكلمات
مش عم بطلعو زي الامساك
بس الرساله راح تجي
لانه boikutt اجاك
اللازمة :
خليني اعيش ... خليني اعيش وين ما اروح في نقطة تفتيش
بتبهدل حتى لو معيش سلاح او حشيش
خليني اعيش ... خليني اعيش وين ما اروح في نقطة تفتيش
بتبهدل حتى لو معيش سلاح او حشيش
عامل حالك فلسطيني بس خايف تجي زيارة
خايف يروح عليك البيت الكبير و السيارة
طب ازا هيك اشلح الحطة و تحكيش باسمي
بتخرب من بعيد بس الطلق بفوت بجسمي
بتحكي سياسة احنا بنحكي كلام شوارع و خبرة
من وجهة نظر ناس بتعرف ناس من ابرة
بدك فلسطين و انا كمان
بس انا كمان انسان
بدي اكل و اشرب و اشخ و انام
بس انت ما بدك سلام
بدك نضل نحارب و كل هاي الافلام المحروقة
و انت قاعد في اميركا و اروبا بتحكي عن ارضك المسروقة
والاوضاع السياسية الحالية مخنوقة و مشلوقة
انت بتطفي التلفزيون احنا بنضل هناك
بدك تحرر فلسطين و احنا نروح ****
لانه هاي الاحلام شي يوم راح تاكلك
و انا اصلا هيك هيك مش مرتاحلك
تحت **** كم من مليون
شكلو الوضع عم بزيد عداخلك
شوف لوين المصاري بتاخدك
بتجيبك و بتوديك
و ازا حاولت تتزكر اشي من ماضيك بتنسيك
بتجيبك و بتوديك
و ازا حاولت تتزكر اشي من ماضيك بتنسيك
بتجيبك و بتوديك
و ازا كنت متزكر اشي من ماضيك بتنسيك
اللازمة :
خليني اعيش ... خليني اعيش وين ما اروح في نقطة تفتيش
بتبهدل حتى لو معيش سلاح او حشيش
خليني اعيش ... خليني اعيش وين ما اروح في نقطة تفتيش
بتبهدل حتى لو معيش سلاح او حشيش
الحلم الرمادي
عندي حلم اضرب السهم ازيح الوهم
انسى الألم ارفع العلم امسك القلم
ابقى هادي أربي ولادي
أحرر بلادي أقضي على الأعادي
العلم الأبيض زاح بعد كل اجتياح
علمنا صار رمادي
انا مش حيادي انا بدور مش ملاقي حالي
حياتنا صارت زبالة زي الرجل الآلي
زمنا وين و وين زمن الرجال
انا لما اغني مش عالم بالراب بريح بالي
ايمتا بدنا نفيق الدنيا عمالها بتديق
يلعن الجدار ويلعن خارطة الطريق
والوضع الأنتقالي ينهد العالم
انا مالي دقت طعم الألم مر
بس بتخلاش عن حدا حر
عملوا وبعملوا فينا ولسا بتجر
مش حننسا كل يوم قتل وهدم بيوت
هم بكبروا بكتروا واحنا بنموت
هم بواحد بحمل سلاح بفكر حالو حوت
من دون سلاح بروح بتخبا جوات تبوت
واحنا زعمانا كل واحد منهم منظر مخطوط
وصاحبك الزميل صار عميل ابن شححـــ....
بغني بغني بغني
فش حدا سامع شو انا باقي طلعوو
[chorus] x2
كل يوم بحلم بالكابوس بحلم بالحلم الرمادي
بطلع شو بسير حوالينا بسير فينا بسير ببلادي
حسرة عالمسلمين والعرب والموت للأعادي
هربت الألوان وضل لون الدم بشوفو اشي عادي
[verse 2]
Error-Dr.E
انا فلسطيني بدافع عن ارضي وديني
بحمي القدس زي مكة والمدينة
لو يعطوني مليون انا مش راح اطلع من هون
انا مستقبلي وزكرياتي وحياتي بالكون
أدافع عن ارضي وعرضي
هو فرضي وامشي واكون من امي مرضي
ابتزاز امرنا خلاص استفحت
وقتيش الوضع بدو يتحول
احس بوطني ياللي زي من اول
اكون حر وين ما بدي اروح واتجول
ليش دايمن العرب مدعوسين
مقهورين تحت الدمار مدحوريــن
احنا اللي جبنا العلم للعالمين
لما كان فش اميريكا والناس بأوروبا نايمين
بس بعد شوي سرقونا ضربونا الخنجر
صحيو من النوم واحنا بدينا نتخدر
لما اخدو حضارتنا واوروبا بدت تطور تخلفنا
رجعنا وقفنا والجهل قاعد بتكرر
استعمرونا ورجعونا لأيامات الجاهلية
غزو ثاقافتنا وخربو عقليتنا الأسلامية
زهقت يا ناس وين الأحساس بالوحدة العربية
دفعتنا الخطاء والثقافة والعادات الأجنبية
[chorus] x2
[verse 3]
B Boy
احنا مش ارهابية احنا شعب الحرية
فالقدس دينا الاسلام واخوانا المسيحية
B Boy & Error
يا عالم يا ناس وين حقوق البشرية
وينكم يا اهلنا وين الأمة العربية
قضوا علينا دمرونا محونا اضطهدونا
Error
طيب ليه هيك اخوانك برا بطلعو عليك
B Boy
يمكن مشكلتك عربي مسلم الحق عليك
Error
عشنك بتحط براسك شو بتشوف بعينيك
B Boy
تسويش هيك هم بدهمياك ترفع ايديك
B Boy & Error
زي ما رفعوا اجريهم
تحكيش سكر دينيك
زي ما هم غمضو سكروا عينيهم
وحياتو الله برجع كلو بالاخر عليهم
B Boy
لأيمتا العرب بدهم يشوفو يضلوا ساكتين
مش متحركين خايفين مفرقين مشتتين
Error
لأيمتا العرب بدهم يضلوا نايمين
يسمعوا يعملوا حالهم مش سامعين
B Boy
مزبوط ما أنتوا فينا مش حاسين
بس تحسوا بنصرانا بالقدس وفلسطين
Error
هي راحت العراق وانتوا خرا ماكليــن
انا بحكي معكم من قهري عالبسير بالمسلمين
B Boy
العراق ضاعت وانتوا حواليها عالدور جايين
الله وحدو بس بعلم مين التانيين
DR.E
B Boy
عربي G TowN من القدس مش طالعين
ياسيدتي
خذيني, من ليلي
لنور, عينيكي
احميني, من ظلامي
انت شمسي من ورى غيمي
يا سيدتي, خذيني
لنور, عينيكي
احميني من ظلامي
طلّي علي من ورى غيمي
محمود جريري
انا من أول ما شفتها عيني ما سابتها
عيني سجنتها وعيني حكمتها
بحكم البراءه وهي حكمتني بالأعدام
ولسّا ما تبادلنا الأسماء قامت قالتلي سلام
وانا, قلتلها حرب, جربت انه ما أتخلّى
قلتلها عن الضرب, اللي قلبها بقلبي ملّى
بس هي كانت مثل سفينه اللي فتحت شراعها
وأنا كنت مثل عاصفة اللي جربت استرجاعها
للأرض, ومثلها أكون مالك ألجاذبيه
تضلها علي ولتطلع بدها بدله فضائيه
بس هاي امنيه اللي كنت عارف انها ما راح تتحقق
لأنه جوابها كان لأ بس الجواب ما كان يتصدق
وضلّيتني على الحال على نفس الموال
مرات عطرق احتيال بس برده ما كان فعال
لهيك قررت انوا انسحب بس صررت عالرأي
أنه ما انسحب الا لما هي تنسحب معاي
لازمه
سهيل نفار
ناديلي حدا, اللي ينضفني
من الفيروس اللي في نص قلبي قلبي
خربتلي كل شعوري, وبس خلّتلي الحب
و برده سرقته كله كله
لا ما خلّتلي اشي, منه منه
قد ما مضايقاني, بس لسا بدي اياكي
بدي اياكي زي ما الصومالي بده أكله
بدي اياك زي ما الفلسطيني بده أرضه
الناس اللي حواليكي, برواز لأحلى صوره
بفتشوا على قصة حب معاكي بس
انا انا انا انا بدي اسطوره
اموره, الناس المليانه ملايين
جنبك صفوره, انت مش عارفه
انك انت ساكنه قلبي وانا زي حرامي
مستنيكي تلفي, عشان اسرق منك
نظره نظره
لازمه
سهيل فودي
ياللي الزهور تشوفك تغار وتدبل
العطور تشمك من ريحتها تخجل
ياللي عيونك تجبرنا نسأل
عل قلبك اللي علينا يتقل
تامر نفار
أنا كل ما اشوفك بحتار بحالي
مش بشر عادي, مخلوقه من حبر نزار قباني
سكنت أقلامي, احتلت ألحاني
سوّت حياتي رزنامه فيها تكتب تقلب كل أيامي
مانتي, جنبي ولا مش جنبي, عندي ولا مش
عندي, بتضلّي مصدر فني الرومانسي, بليلي
أنتي قمر حقيقي, قبل القمر الاصطناعي
شفتي الدنيا بتدور حواليكي
عينيكي نادتني, شفايفك رمتني
انت قريه جميله ساكنه جنبي
مناخك حرك اللافا اللي بباطن قلبي
ولما فارت احاسيسي, قمتي هجرتي
ماهو, يا بدوقك يا عن الحب بصوم
اخ خ خ على قلبك اللي زي كنز فرعون مدفون
ما اله خارطه, حتي لو ما عرفت اني القى انا
انا اشكرك سيدتي على اروع مغامرة
